உருளைகிழங்கு குருமா | potato kuruma

உருளைகிழங்கு குருமா

தேவையான பொருட்கள் :

உருளைகிழங்கு குருமா

1. உருளைகிழங்கு - 1/4 கிலோ
2. தக்காளி - 3
3. தேங்காய் -  1 / 2 மூடி
4. சின்ன வெங்காயம் - 100 கிராம்
5. இஞ்சி பூண்டு விழுது - 1 தேக்கரண்டி
6. பொட்டுகடலை - 1 / 2 தேக்கரண்டி
7. பட்டை - 4
8. கிராம்பு - 4
9. சோம்பு - அரை தேக்கரண்டி
10. கசகசா - அரை தேக்கரண்டி
11. கறிவேப்பிலை - ஒரு கொத்து
12. மிளகாய் தூள் - ஒரு தேக்கரண்டி
13. மல்லித் தூள்- 1 1 /2 தேக்கரண்டி
14. மஞ்சள் தூள் - 1 சிட்டிகை
15. கொத்து மல்லி தழை - சிறிதளவு
16. உப்பு - தேவையான அளவு

செய்முறை:

• உருளைகிழங்கை முதலில் தனியே வேகவைத்துக் கொள்ளவும்.
• அடுத்து சின்ன வெங்காயத்தையும், தக்காளியையும் பொடியாக நறுக்கி கொள்ளவும்.
• பிறகு வாணலியில் என்னை விட்டு பட்டை, கிராம்பு போட்டு தாளிக்கவும்.
• அடுத்து நறுக்கிய வெங்காயம் சேர்த்து பொன்னிறமாக வதக்கி, தக்காளி, கறிவேப்பிலை போட்டு வதக்கி, இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.
• அதில் மஞ்சள் தூள் சேர்த்து கலந்து, பிறகு வேகவைத்த உருளைகிழங்கை சேர்க்கவும்.
• அதனுடன் மல்லிதுல், மிளகைதுள் சேர்த்து நன்றாக கலந்து, சிறிது தண்ணீர் சேர்த்து மல்லி தூள்  பச்சை வாசனை போகும் வரை கொதிக்க விடவும்.
• பிறகு தேங்காய், சோம்பு, கசகசா, பொட்டுகடலை செய்து நன்றாக அரைத்து, அடுப்பில் உள்ள உருளைகிழங்கு கலவையுடன் சேர்த்து, மிதமான தேயில் கொதிக்க விடவும்.
• குழம்பு நான்கு கொதித்ததும், கொத்துமல்லி தழை சேர்த்து அடுப்பிலிருந்து இறக்கி வைக்கவும்.