செட்டி நாடு குருமா| cetti nadu kuruma

செட்டி நாடு குருமா!

தேவையானவை:

1. கத்தரிக்காய் – 5
2. உருளைக்கிழங்கு (நடுத்தர அளவில்) – 2
3. பெரிய வெங்காயம் – 2
4. தக்காளி – 4
5. உப்பு – தேவைக்கு
6. கறிவேப்பிலை, மல்லித்தழை —சிறிதளவு
7. பூண்டு – 2 பல்

தாளிக்க:

1. கடுகு – அரை டீஸ்பூன்
2. சோம்பு – கால் டீஸ்பூன்
3. பிரிஞ்சி இலை – 1
4. எண்ணெய் – 3
5. டேபிள் ஸ்பூன்

அரைக்க:

1. தேங்காய்த் துருவல் – 1 கப்
2. காய்ந்த மிளகாய் – 6 முதல் 8 வரை
3. தனியா – 1 டேபிள் ஸ்பூன்
4. சீரகம், சோம்பு – தலா அரை டீஸ்பூன்

செய்முறை:

• முதலில், அரைக்கக் கொடுத்துள்ளவற்றை, நன்கு அரைத்துக்கொள்ளுங்கள்.
• பூண்டைத் தட்டிக்கொள்ளுங்கள்.
• கத்தரிக்காய், வெங்காயம், உ. கிழங்கு, தக்காளி ஆகியவற்றைப் பொடியாக நறுக்குங்கள்.
• இப்போது, எண்ணெயைக் காயவைத்து, தாளிக்கும் பொருள்களைச் சேருங்கள்.
• பின்னர், வெங்காயம் சேர்த்து அது வதங்கியதும், நறுக்கி வைத்துள்ள கத்தரிக்காய், உ. கிழங்கு, தக்காளி, அரைத்த விழுது, உப்பு சேர்த்து, மிதமான தீயில், பச்சை வாசனை போகும்வரை வதக்குங்கள்.
• உ. கிழங்கு வெந்ததும், நசுக்கிய பூண்டைச் சேர்த்து 2 நிமிடம் வதக்கி, தேவையான தண்ணீர் சேர்த்து, கறிவேப்பிலை, மல்லித்தழை போட்டு, சில நிமிடம் கொதிக்கவிட்டு இறக்குங்கள்.

இட்லி, தோசை, சப்பாத்திக்கு ஏற்றது.