பெப்பர் பீஸ் மசாலா | pepper spice masala

பெப்பர் பீஸ் மசாலா

தேவையானவை:

1. பட்டாணி – 2 கப்
2. பெரிய வெங்காயம் – 3
3. தக்காளி – 4
4. இஞ்சி, பூண்டு விழுது – 1 டேபிள் ஸ்பூன்
5. மஞ்சள் தூள் - அரை டீஸ்பூன்
6. கரம் மசாலா தூள் – அரை டீஸ்பூன்
7. மிளகாய்த் தூள் - 1 டீஸ்பூன்
8. தனியா தூள் – 1 டீஸ்பூன்
9. எண்ணெய் – 3 டேபிள் ஸ்பூன்
10. கறிவேப்பிலை – கைப்பிடியளவு
11. உப்பு – சிறிதளவு

வறுத்துப் பொடிக்க:

1. மிளகு – 1 டேபிள் ஸ்பூன்
2. சீரகம் – 2 டீஸ்பூன்
3. சோம்பு – அரை டீஸ்பூன்

செய்முறை:

• பச்சைப் பட்டாணியை உப்பு சேர்த்து வேகவையுங்கள்.
• வெங்காயம், தக்காளியைப் பொடியாக நறுக்கிக்கொள்ளுங்கள்.
• பொடிக்கக் கொடுத்துள்ளவற்றை, வெறும் கடாயில் வறுத்துப் பொடியுங்கள்.
• எண்ணெயைக் காயவைத்து, வெங்காயத்தை வதக்குங்கள்.
• வெங்காயம் வதங்கி நிறம் மாறியதும், அதனுடன் இஞ்சி, பூண்டு விழுது, மிளகாய்த் தூள், தனியா தூள், மஞ்சள் தூள் சேர்த்து பச்சை வாசனை போக வதக்குங்கள்.
• அதனுடன் தக்காளி, உப்பு சேர்த்து, தக்காளி கரையும்வரை வதக்குங்கள்.
• பிறகு அதனுடன், வேகவைத்த பட்டாணி, பொடித்து வைத்துள்ள தூள், கரம் மசாலா தூள், சிறிது தண்ணீர், உப்பு சேர்த்து, 5 நிமிடம் கொதிக்க விடுங்கள்.
• கடைசியில் கறிவேப்பிலை சேர்த்து இறக்கினால் பெப்பர் பீஸ் மசாலா தயார்...