மசாலா குருமா | masala kurma

மசாலா குருமா

தேவையானவை:

1. எதாவது காய் [தங்கள் விருப்பதிர்கேற்ப] கலந்ததாகவோ அல்லது தனியாகவோ நறுக்கியது – 2 கப்
2. வெங்காயம் – 3
3. தக்காளி – 4
4. உப்பு – தேவைக்கு ஏற்ப

தாளிக்க:

1. சோம்பு – அரை டீஸ்பூன்
2. பிரிஞ்சி இலை – ௧
3. எண்ணெய் – 4 டேபிள் ஸ்பூன்

அரைக்க:

1. இஞ்சி – 1 துண்டு
2. பூண்டு – 5 பல்
3. சோம்பு - அரை டீஸ்பூன்
4. சீரகம் - அரை டீஸ்பூன்
5. மிளகாய்த் தூள் – இரண்டரை டீஸ்பூன்
6. தனியா தூள் – ஒரு டீஸ்பூன்
7. தேங்காய்த் துருவல் – அரை கப்
8. பொட்டுக்கடலை – 2 டீஸ்பூன்
9. பட்டை - 1
10. லவங்கம் - 1
11. ஏலக்காய் – 1

செய்முறை:

• அரைக்கக் கொடுத்துள்ளவற்றை நைஸாக அரைத்துக்கொள்ளுங்கள். 
• வெங்காயம், தக்காளியைப் பொடியாக நறுக்கிக்கொள்ளுங்கள்.
• இப்போது, எண்ணெயைக் காயவைத்து, தாளிக்க உள்ளவற்றைப் போட்டுத் தாளியுங்கள்.
• இதனுடன் வெங்காயம் சேர்த்து, நிறம் மாறும்வரை வதக்குங்கள். பின்னர், தக்காளி, காய்(கள்), அரைத்த விழுது, உப்பு சேர்த்து, மிதமான தீயில் வதக்குங்கள்.
• காய்கறி(கள்) வெந்து, பச்சை வாசனை போன பிறகு, தேவையான தண்ணீர் சேர்த்து, 5 நிமிடம் கொதிக்கவிட்டு, கறிவேப்பிலை கிள்ளிப் போட்டு இறக்குங்கள்.